Papeis pintados no Pazo de Fefiñáns

20130902-010327.jpg

Detalle dun dos papeis pintados que alberga o Pazo de Fefiñáns. Dende a semana pasada é posible percorrer o inmoble en visitas guiadas de corenta minutos.

Horario: 11 a 13 e de 17 a 19 horas.

Teléfonos para reservar: 660 078 252 – 986 524 877

Advertisements

Debuxo: Eduardo Baamonde (1962)

Eduardo Baamonde é un pintor galego nado en Vilalba (Lugo) no 1962.

Traxectoria

En Santiago cursa estudios de Historia da Arte, de Museoloxía e de Artes e Oficios. Dende 1988 exerce como profesor de Debuxo no Ensino Medio,con destino na actualidade no I.E.S. de Vilalonga (Sanxenxo). Amante do deseño gráfico e da pintura empeza a crear imaxes e a expoñer a principios dos oitenta. Nos últimos anos participa con asiduidade nos certames de pintura rápida, acadando varios premios e recoñecementos. Tamén é de destacar a súa actividade como ilustrador, pois publicáronse recentemente dous textos de Ramón Caride ilustrados enteiramente por Baamonde (Ed. Everest).

No  ano 2005 publicouse “Tanta Miga e a súa barriga” (Baiaedicións) e no 2006 “Plexiflai non foi ao festival” (Everest); os dous son contos infantís escritos e ilustrados polo propio Baamonde.

No 2008 publícase Aventura na Mariña; libro promocional desta comarca lucense no que os personaxes creados e debuxados polo propio Baamonde viven unha aventura que serve de pretexto para ensalzar os valores paisaxísticos, patrimoniais, gastronómicos e culturais da Mariña. Este conto profusamente ilustrado foi encargado polas tres Fundacións Comarcais da Mariña e publicado pola Dirección Xeral de Turismo.

No ano 2009 publica “Polo Salnés con Ramón Cabanillas”(CANDEA), un caderno de viaxe no que as acuarelas de Baamonde acompañan os poemas de Cabanillas facendo un percorrido por todo o Val do Salnés.

No 2010 publícanse, tamén en formato de caderno de viaxe, “De acuarelas por Santiago” (CUMIO) no que Baamonde tamén é autor do texto e “Ruta Pardo de Cela” (TRASLUZ LUKUS).

[Biografía obtida da súa páxina web]

Cambados en acuarelas

Ven de saír á venda o seu libro Cambados, unha recopilación de acuarelas sobre o pobo no que reside e traballa, publicado por Faktoría K de Libros (48 p., 14,00 €). Por ser un dos obxetivos da asociación o fomento de todas as artes plásticas, queremos saúdar a súa publicación cunha pequena escolma desas imaxes.

Colaboración: Cousas de Quico

Hoxe imos a inaugurar a nosa sección de debuxos, pois non todo van ser fotografías nesta vida.

Unha boa forma de facelo é cos debuxos de Quico, que aínda sendo en moitos dos caso  para un público infantil  non deixan de ter sátira social e estar de plena actualidade. Podedes desfrutar de moitos máis no seu blog  Cousas de Quico

Marcapáxinas para non perderse entre tanto libro.

Con estas viñetas gañou o 1º Concurso Internacional “La tira por los derechos humanos” que convocara a Fundación Fernando Buesa Blanco.

Había unha vez un conto que contaba o mundo enteiro…

Se queresdes saber algo máis deste artista afincado en Santiago, clientes editoriáis, premios…,visitade o seu blog: Cousas de Quico